مش عارفة ليه النهاردة وانا بنضف السجادة سالت نفسى يا ترى السجادة احساسها ايه و احنا بندوس عليها ..طبعا سوال غريب قوى بس لما فكرت لقيت ان حتى السجاد مش زى بعضه......... يعنى فيه سجاد مرفه و سجاد بيطلع عين ابوه .........
اه و الله مش فى سجاد بنعلقه على الحيطة و سجاد اصحابه بيودوه للتنظيف بالبخار و حاجة اخر دلع..
و سجاد تانى يا عينى طالع عين امه محطوط فى حتة وسخة و بيترمى عليه كل انواع القذارة اللى فى الدنيا و عمره مايشوف الشمس ولا المياة و الصابون .... يعنى حتى السجاد فيه مستويات .....الدنيا كلها و الحاجات كلها و الحيوانات كلها ز الطيور كلها .."انما امم امثالكم".......
معلش يظهر مش لاقية بنى ادمين اتواصل معاهم فاتواصلت مع السجادة
5 comments:
الله ...تصدقى اول مرة اخد بالى من موضوع السجاد انة مستويات وكدة
عجبتى المقارنة اوى بجد حتى السجاد عاوز مبداء اشتراكى واحد
الرحمة يارب...
تحياتى بجد عجبتى اوى
جزاكم الله خيرا
ورزقكم قلبا صادقا
تخيلى انك عايشه فى عالم مليان با البشر و محدش بيحس بيك غير واحد بس نفسك تخيلى نفسك بيبقى عارف امته عاوز تبكى امته عاوز تضحك فهل احنا ممكن نعيش زى السجاد محدش حاسس بيه غير نفسه
الحقيقه دي اول زياره لمدونتك
بس الموضوع ده فكرني بواحده اعرفها كتبت قصه كامله عن شبشب
قصه حياته من اول ماطلع من المصنع وهو نضيف لغاية ما تاهت فردته التانيه عنه واتعملت حتة كاوتش بيسندو بيها كرسي في شقة واحد عجوز .. والفرده الأولانيه عيل صغير خرمها وربطها بحبل وبقى بيلعب بيها في الشارع
الجميل في القصه دي انها مليانه صراع واسقاطات رهيبه جدا
واظرف حاجه بقى .. ان الفردتين بيتجمعو مع بعض في اخر القصه وبيتحطو في علبة قزاز بعد مابيتنضفو ..
وكأنهم رجعو لبعض واتلم شملهم
الحقيقه انتي لو لعبتي في المنطقه دي .. منطقة السجاد يعني ..
ممكن يطلع منها فكره حلوة
سلامووووز
حبيبتى فكرتك حلوه ووصلت اعتقد ان قصدك تقولى ان كل حاجه طبقات زى البنى آدميين وفيه تمييز لا بجد ممكن تطلعى من مقارنتك دى حاجات كتير
تحيــــــــاتى
المصـــــــــــرى
Post a Comment