النهاردة انا اجازة.. و خدت بالى انى مش عندى حاجة اعملها .....خالص مع انى طول الاسبوع بشتكى من الشغل و الصحيان بدرى .. لكن اهه لما جت الاجازة مش عارفة اعمل ايه فيها
حاجة غريبة ...يعنى احنا نفضل نشتكى من حاجة معينة و لما تجيلنا الفرصة نحلها ما نعملش اى حاجة..... يظهر الهدف الشكوى و خلاص
وده بيحصل فى حياتنا كتير قوى ...يعنى اوضاع و اشخاص متضايقين منهم بس مش بنعمل حاجة بنتفرج على نفسنا و احنا بنتخنق واحدة واحدة ... يظهر دى السادية اللى بيقولوا عليها انك تشوف نفسك بتتعذب و ما تحاولش تدافع عن نفسك
"اللهم انى اعوذ بك من العجز و الكسل"
نرجع لموضوع الاجازة ..تفتكروا احنا شعب ما بيعرفش يفرح ؟؟
يعنى ما عندناش خبرة ازاى نفرح نفسنا ..بالعكس احنا اساتذة فى النكد طبعا مش كل الناس بس اغلبهم و انا اولهم ...يا ترى الواحد ممكن يدرب نفسه على الفرح ..لو حد يقدر يساعد ؟؟
2 comments:
اولا السلام عليكم
موضوع الاجازة بعانى منه انا بشتغل طول الاسبوع و عندى يوم اجازة عاوز فى اليوم ده اعمل كل حاجه
لكن المعادله فى النهايه مش بعمل حاجه من الحاجات الى تفرحنى الا نادره بقالى سنه على الموضوع ده ياترى ايه الحل
لازم تحدد حاجة واحدة على الاقل بتحبها و لازم لازم تعملها يوم الاجازة ...حطها هدف لازم تحققه ......اخطغ نفسك من كل حاجة ....تخيل نفسك بتجرى من كل الى شاغلك ........جرب ........يمكن.......و على فكرة الصحبة بتفرق قوى ..حاول تلاقى حد يشاركك الجرى ده
Post a Comment